Domenica di Carnevale con Totò Ranzino
14 Febbraio 2010, 14:37 - Giovanni Biondo [suoi interventi e commenti]
|
Dopo Nino Testa ecco qualche frammento di un'altro poeta dialettale cefalutano: Totò Ranzino
LU ME' RITRATTU
Statura un metru e sittantottu,
capiddi nenti, frunti spaziusa,
curazzu granni, pinzeri prufunnu,
pueta di la vina prusuntusa.
Si caru a mari, non toccu lu funnu,
pirchi la panza mia misiriusa,
mi teni a galla...si cari lu munnu,
scrivu, ridennu, un'ottava smanciusa.
Facci scavata, sicca, e occhi 'nfunnu,
denti nenti, haji la cascia e mi cunfunnu,
spiritu assai ma no' di li patati,
ridiri fazzu pi la cumicitati.
Sbagghiai carriera, comu Battista,
fazzu u bidellu!...ma sempri artista!
L'ASIATICA
- Compare, che se dice ccu ssa sciatica?
- E' malattia venuta dalla Merica!
- In Italia arriva in astronatica?
- Mai compare con l'astrattosferica.
- Decitemi com'è che poi si cura?
- Li scinziati priparono allura
gran forza di vaccino a base d'ova
e sopra un porco ficero la prova.
Tremila ova per ogni pontura
e tutto agisce nilla nirvatura
e introfilando il siero nella trippa
circola nel gisere e il mal lo scippa!
E dopo un anno e un mise, dalle ova
all'intrasatta il pollicino scova!
- Allora se sto fatto è proprio vero
lo sofferente che addiventa preno?
- Error compare, non germoglia il seno
che specialmente s'eni italiano
pò essere incubato senza meno.
- E allura come avvenne chisto scovo?
- Il calor della febbre, potenziato
circola nello corpo impetuoso
e quindi l'ovo diventa cioroso
appena il sofferente è infroenzato
dalle microbe cellose nirvose.
- Compare, site un vero scinziato!...
- Modestamente sono un litterato.
'UN MORU CCHIU'
Moriri 'un pozzu, pirchì ''mparadisu
pi mia lu purtuni è sempri chiusu!
Dissi San Petru: - Lu Signuri è uffisu
pi lu tò fari oscenu e murritusu.
Moriri 'un pozzu... e quindi aju decisu
iri all'infernu... e Satana cunfusu
mi dissi:"Amicu miu, ju ti l'avvisu,
nun si trova, pi tia mancu un purtusu!"
E allura mi nni vaju 'mpurgatoriu,
e rassignatu mi pigghiai un purganti,
sunnannumi, ju stissu, lu martoriu.
Ma quannu mai!... Levati davanti -
dissi lu guardianu – è già notoriu
ca tu, si trasi, ni cunzumi a tanti!
(tratto da 'Un moru cchiù! - Poesie e novelle di Totò Ranzino- Lorenzo Misuraca Editore Aprile 1984)
Anche in questo caso ringrazio il figlio per il generoso omaggio.
- Accedi per inviare commenti.