|
17 Gennaio 2015, 17:54 - Italo Piazza [suoi interventi e commenti] |
U’ Zibaldone L'Amicu miu, Italo Piazza. cifalutano di adozione e, no di razza scriviu, dopo tantu ricircari, u' Zibaldone. U' zibaldone, certu cu leggi, lu sapi è la misculanza disordinata di appunti, memorie e pinseri diversi pi cu 'nun sapi n'zemmula mittuti pì lassari memoria a li raccunti. Liggennu stì paggini, cu granni curiosità pensu cà iddu li scriviu certu cu' lu cori osservannu lu quotidianu viviri di la Città senza nenti agghiunciri o livari. Iddu parra di notabili e di proletari di genti di campagna e ortolani di artigiani e di genti di mari cu lu so travagghiu di onesti cittadini. Scriviu di arti e di mistieri purtannumi n'arreti di tanti anni cu li ricordi di oggi e di ieri comu mi li cuntavanu li mè nanni. Ci sunnu scritti di manciari e di viviri di mutti , canzoni, giaculatorie e usanze di prighieri e vocabuli a nun fìniri di 'nciurie , di soprannomi e di vecchie credenze. S'arricurdò di la festa di Gesù Salvatori di chiddu Nicu e di chiddu Granni adurati u primu a la Turri e, lu secunnu ‘nto Tempiu di normanni. Onorù, cu so scrivutu,la Matri Gibulimanna ‘nto Santuario di li Frati Cappuccini aunni, pi devozioni s'acchiana a peri e, pi bastoni nà canna pi purtari oggghiu e tanti prighieri comu pilligrini. 'Nun si scuordù di la pisca di li pisci spada e di li tunni né di sardi e né di anciovi scapuzzati né mancu di li mezzi varriluna pi falli tutti salati. S'arricurdò, puru di l'ammastratura di l'alivi e, nun sulu e di li scurciatura di lu suviru ‘nto chianu cà cu i' cittuna ammulati a rasolu lestu lestu, alli chianchi la facci canciavanu. Pinseri importanti appi pi li 'ntaccatura ca la manna facivanu sculari du truncu di la chianca, allura allura dintra la tazza di lannira cu manicu a tiniri. Sti mè pinseri, scritti comu veni veni pi stari in tema cu lu"Zibaldone" un putevunu essiri elencati beni beni mà, puru accussì ripurtati sunnu signu di affezione. Certu ancora tantu ci fussi di scriviri supra cittadini e populu cifalutanu pirchì assai sunnu li facci, li modi di diri e di pinsari ca, pi certu, 'nun abbastassi un libru granni quantu ù ' Chianu. Ju, cà oramai picciottu chiù n'un sugnu e accanusciu tutti li paraggi taliannu fotografìe e facennu riflessioni mi tornunu 'menti usanzi e personaggi cà mi foru e, mi sunnu amici di persona e, di intenti. Fra li tanti cosi tu ci attrovi 'nta li pagini la tradizioni, di li matrimoni e di zitaggi di lu vattiu e, da prima comunioni ca fannu parti puru di li mè retaggi. E, nun vulennu ancora continuari e vulennulu pirdinurari anchi si c'è cosi ca si scurdò ‘nun si scordò di l'essenza di lu mari a unni iddu " nissenu" chiantò li radici so. E, pi chiuriri sti picca e sintuti parole cà spontanee mi ni nisceru di lu cori vogghiu diri a Italo, cu granni sentimentu amicale cà, cu lassa scrivutu, mai si po' scurdari. Cefalù, addì 12 gennaio 2015 Diego Rosario Gallotta |
|
Voglio soltanto ringraziare Diego Gallotta e chiedergli perdono se mi sono permesso di pubblicare la sua poesia, cosa che ho fatto con l'intento e nella speranza che si senta incoraggiato a far conoscere altri suoi lavori. E' per me scontato, ma lo sottolineo per miglior chiarezza, che questa poesia si riferisce a quella raccolta di memorie che ho scritto e, da poco, pubblicato.
P.S.: L'immagine nel sommario è un dipinto del M° Franco D'Anna, presente nella quarta di copertina del libro, mentre in copertina v'è un dipinto del M.° Pippo Forte
- Accedi o registrati per inserire commenti.
- letto 1094 volte