Curtigghiu bluss

La ballata
di Nzinu, Nzulu e Vicè

Cefalù, curtigghiu du vasciu, interno notte.

Subito dopo cena

Rumore di fondo: toc toc!

Nzulu: - Cu iè?

Nzinu: - Iò sugnu, Nzulu!

Nzulu: - Iò cui?

Nzinu: - Iò, comu  …nchia mi chiamu? … Nzinu! Sì, Nzinu sugnu!

Nzulu: - Trasi, Nzinu, ca fuora fa friddu!

Nzinu: - No, vinni sulu pi salutari!

Nzulu: - Trasi, ti dissi, ca fuora s’agghiaccia!

Nzinu: - E dintra fa cauru?

Nzulu: - Ciertu ca fa cauru!

Nzinu: - Ci hai u bracieri cu luci?

Nzulu: - Ma quali bracieri! U termu-surficuni c’è!

Nzinu: - E chi è u termu-surficuni?

Nzulu: - E’ unu strummientu chi siervi a fari cauru, e u nomi stissu u dici: mi spiegaru ca “termu” significa ca fa cauru!

Nzinu: - E surficuni?

Nzulu: - Quannu arriva a bullietta! Trasi, ti dissi!

Nzinu: - Aspe’, ca va chiamu puru a Vicè!

Vicè: - Io già cca sugnu, trasi!

Nzinu: - Ni salutammu?

Nzulu: - Arristamu pi salutati!

Nzinu: - Stasira manciaiu picca, mi sentu spitittato!

Vicè: - Po’ essiri tanticchia di nfruenza?

Nzinu. – No, quali nfruenza, ci haiu un dubbiu n’testa ca mi lastimìa!

Vicè: - Chi dubbiu?

Nzinu: - Comu si fa a’ttupari un purtusu?

Vicè: (rivolgendosi sottovoce a Nzulu): - … nchia, su scurdò! Iu,ih, ih!!!!

Nzulu (occhiataccia a Vicè): - Chi tipu di purtusu, Nzinu?!

Nzinu: - Pippirisempiu un purtusu ‘nto tirrienu, comu un puzzu, però senza acqua!

Nzulu: - Prima di tuttu a’ truvari u materiali.

Nzinu: - E unni u trovu u materiali?

Nzulu: - Ti giri, ti firrii, e trovi. Pippirisempio, si stannu facennu unu scavu ‘nte vicinanzi, ti fa’ scarricari a terra dintra u purtusu!

Nzinu: - ‘N summa, pi attuppari un purtusu s’avi a’ fari n’autru purtusu!

Nzulu: - In qualichi maniera è accussì!

Nzinu: - A stissa pinsata precisa ‘ntifica du sinnicu!

Nzulu: - Sì, sulu ca u sinnacu u materiali du sicunnu purtusu u mannò a discarrica!

Vicè: - Nzinu, t’a firi sempri a sunari u tammureddu?

Nzinu: - Certu ca m’a firu!

Vicè: - Iò purtai a chitarra! E ora nni facemu ‘na sunata!

Nzinu: - E tu, Nzulu, chi suoni?

Nzulu: - Iò ‘un suonu, cantu! Ora chiamu puru a me’ nuora, ca sapi sunari u friscaliettu ….

Nzinu: - ….nchia!

Vicè: - Picchì?

Nzinu: - Accussì!

Nzulu (voci tanticchiedda ciaccata e taliata stuorta a Nzinu): … e mè’ niputi Nzuliddu, … ca suona l’urganettu Bontempi!

Nzinu: - Ma si chiovi!

Nzulu: - E chi ci trasi?

Nzinu: - Ca u tempu tanntu buonu ‘unn’ è!

Vicè: - Nzinu, tu tra surdia e alkaseltzer marci pi l’infinitu!

Forsi è megghiu ca un Signuri t’arricampa!

Nzulu: - Sunamu, cantamu, và!

Nzinu: - E chi sunamu?

Vicè: - E’ Natali!

Nzinu: - Allura sunamu “Tu scendi dalle stelle”?

Vicè: - No, megghiu a Ninnaredda!

Nzulu: - Chi siti antichi, facemu nna cosa originali, e po’ u Natali passò, pinsamu a capurannu, facemu, pippirisempiu un … bluss!

Vicè: - John Lee HooKer, Maddy Waters? BB King?

Nzulu: - Talè a chistu! Chi semu appriparati! No, facemu nna cosa comu a chidda di chiddu … comu si chiamava, bonarmuzza … Enzu, comu a nuatri! Enzu Iannazzu! Pirò chi paroli nuostri!

Vicè: - Attaccamu? Vai, Nzinu!

Chiddi ca a Cifalò ci vennu sulu pi festi!

Chiddi ca ‘un sannu comu hannu a fari pi pagari l’Imu, oh yeah!

Chiddi ca ci avi a pinsari Gisù Sabbaturi, oh yeah!

Chiddi ca stannu chiù fermi di pisantuna da Matrici, oh yeah!

Chiddi ca è megghiu futtiri ca cumannari, oh yeah!

Chiddi ca, bonarmuzzi, pinsavanu ca l’acqua era potaboli oh yeah!

Chiddi ca pensanu ca i lottizzazioni sunnu cumpatiboli, oh yeah!

Chiddi ca l’opposizioni è responsaboli, oh yeah!

Chiddi ca cridinu di essiri u segretariu du partitu, oh yeah!

Chiddi ca quannu votanu si cunfunninu, e aleggino a Topo Gigiu pinsannu ca è Nembo Kid, oh yeah!

Chiddi ca Diò è cu mia! Oh yeah!

Chiddi ca iò sugnu u sinnacu di Cifalò, oh yeah!

Chiddi ca è megghiu u tintu accunusciutu … e sunnu tutti o’ nfernu, oh yeah!

Chiddi ca si futtinu a spisa e chiancinu, oh yeah!

Chiddi ca a botta d’acitu è curpa di l’acqua lete, oh yeah!

Chiddi ca Cifalò è nuostra, arricampamunilla, oh yeah!

Chiddi ca orma’ c’è picca d’arricampari, oh yeah!.

Chiddi ca u Sabbaturi, a cu sacciu iò, si l’avissi arricampari, oh yeah!

Chiddi ca, però, u Sabbaturi viri e sviri, oh yeah!

Chiddi ca non ci risurta, oh yeah!

Chiddi ca cridinu c’u Bemmineddu è Babbu Natali carusu, oh yeah!

Chiddi c’appena ci parri di Mantralisca ci veni l’orticaria, oh yeah!

Chiddi ca vulissiru u casinò, oh yeah!

Chiddi can nun c’è curtura, oh yeah!

Chiddi ca i scaluna d’ a Matrici mi fici tutti a sciddicaculu, oh yeah!

Chiddi ca (chi ci vo’ fari), è foristieri, oh yeah!

Chiddi ca u Clebbi grapi l’annu chi trasi, oh yeah!

Chiddi ca curnutu cu ci criri, oh yeah!

Chiddi ca prugettanu u portu “a loro immagini e simigghianza”, oh yeah!

Chiddi ca semu tutti figghi di Bisanziu, o yeah!

Chiddi ca ociciornia, o yeah!

Chiddi ca eventi eventi, eventi … uguali sissanta, oh yeah!

Chiddi ca caru amicu … chi ti scrivu? Oh yeah!

Chiddi ca …nchia! Picchi? Accussì! Oh yeah!

Tanti Auguri per il nuovo Anno!