[1] |
Leggende di Sicilia: Cola Pesce [2]21 Aprile 2013, 11:24 - Francesca Danie... [1] [suoi interventi [3] e commenti [4]] |
Attorno alla figura di Cola Pesce sono nate tante leggende, poesie e canzoni, il contenuto della leggenda cambia se la si racconta ora a Palermo, ora a Catania ora a Messina, ma a parte queste piccole differenze del testo Cola Pesce è stato e resta un personaggio molto popolare della nostra tradizione, che, purtroppo, va scomparendo.
Quand’ero bambina lessi questa leggenda sul mio libro di lettura, molto tempo fa si introducevano nei libri di testo racconti a carattere regionale, oggi i nostri giovani sconoscono la nostra tradizione perché nessuno la tramanda quasi più.
Spero di aver destato, pubblicando sul sito questa poesia di Caterina Daniele, un po’ di curiosità, fra le nuove generazioni, che con l’aiuto del computer, possano scoprire e amare ciò che fa parte della storia, usi e tradizioni del popolo siciliano.
Cola Pisci
A Missina cc’era un beddu piscaturi
amanti di li celu e di lu mari;
‘nna la so varca stava a tutti l’uri,
di li sirèni si sintìa chiamari!
Taliava ‘ntornu cu l’occhi ‘ncantati,
passava li nuttati a suspirari
ed una notti, a tutti ddi chiamati,
di la varca si jittò ‘n funnu a lu mari.
Vitti ninfi, sireni, pisci rari,
jardina di curaddi e di ciuriddi,
e quannu a galla potti riturnari,
lucianu l’occhi sò comu du’ stiddi.
Parìa mutu, nun vosi cchiù parrari
e quannu si videva avvicinatu,
spirèva cu la varca ‘nna ddu mari,
ca l’avìa pi tantu tempu ammaliatu!
Pi chistu Cola Pisci fu chiamatu,
ca com’un pisci iddu sapìa natàri
e ‘nna tutta la Sicilia ammuntuatu
fu p’ardimentu e pi biddizzi rari.
Re Federicu cci vosi parrari
e, cu sò figghia e tanti cavaleri,
juntu a la spiaggia, lu fici circari.
Lu piscaturi cidìu a tanti prieri,
quannu a la sò prisenza fu purtatu
la Rigginedda nni ristò ‘ncantata.
Cola Pisci si ‘ntisi assa’ unuratu,
ma cci trimò lu cori a dda talïata!
- Chi facissi tu pi mia, o piscaturi -
cci dumannò la Riginedda allura -
s’ju vulissi ‘na prova di valuri,
‘na prova granni di la tò bravura? -
- A tuttu sugnu prontu - dissi Cola -
puru la vita sugnu prontu a dari. -
La Riggina, a la duci so parola,
la coppa d’oru di lu Re jittò a mari.
- Va pigghiala - cci dissi - si ti firi. -
E, com’un lampu, Cola ‘nna dda scuma
spirìu di l’unna e, propriu nun si criri,
liggeru riturnò comu ‘na piuma,
tinennu ‘n manu la coppa lucenti
ca la picciotta ‘mpazienti aspittava,
sudisfatta, felici e risulenti.
Mentri Cola cu l’occhi cci parrava,
purtannucci la coppa titruvata,
dicìa la Riginedda: - O piscaturi,
vogghe’essiri pi sempri la tò fata,
ma n’autra prova vogghiu di valuri. -
La cinta si livò, d’oru e diamanti
la tirò propriu ‘n funnu di lu mari,
dicennu tutta cunfusa e trimanti.
- Certu ca tu mi la saprai truvari. -
Satò Cola ‘nna l’acqua cilistrina
e nun si vitti cchiù p’un quartu d’ura,
poi riturnò purtannu alla Riggina
la priziusa, magnifica cintura.
Oh chi coru d’evviva e battimanu!
Ma Cola nun sintìa chi la risata,
nun videv’autra cosa chi la manu
di la Riggina, ca parìa ‘na fata.
Ma la sirèna si livò l’aneddu
e dissi, mentri lu tirava a mari:
- O piscaturi, valintusu e beddu,
si mi lu porti ti vogghiu spusari! -
Di luntanu si ‘ntisi murmurari
ed eranu li servi e cavaleri:
- Cola, Cola, cchiù nun t’arrischiari,
a morti vai si ti cimenti arrèri. -
Ma Cola già s’avia pricipitatu
‘nna dd’abissu can un fineva mai,
e tanti circhi l’acqua avia furmatu
propriu a ddu puntu cchiù funnutu assai.
Mai cchiù, mai cchiù, turnò lu piscaturi
e forsi nata ancora pi truvari
l’anidduzzu, chi fu pegnu d’amuri,
binidittu di l’acqua di lu mari!
Caterina Daniele