Finalmente è primavera...!

La primavera astronomicamente è iniziata con l'equinozio del 20 marzo ma, dal punto di vista meteorologico, quest’anno stenta a decollare, alternando giorni caldi come ieri ad altri freddi come oggi.

Nella speranza che le giornate diventino realmente primaverili, vi propongo una poesia di Caterina Daniele:
 

Ciuriddi

Stidduzzi, chi cadèru di lu celu,
ciuriddi ‘nna stu pratu addivintaru,
‘nna st’erva virdi, ddoppu tantu gelu,
un magicu tappitu arricamaru!
Li làcrimi di l’ancili vagnaru
sti pampineddi tutti dilicati,
pirluzzi di ruggiata chi brillaru
a lu suli splinnenti accarizzati!  

Margariteddi bianchi,chi luciti,
mi pari ca vi sentu murmurari!
-Turnò la primavera - mi diciti,
lu cori mi  vuliti  cunzulari!.......

Ciuriddi, riturnò la primavera
cu lu sò ciatu a farivi  sbucciari
comu p’incantu la natura ‘ntera
sta caluredda fici arrispigghiari!....
Ridi lu suli, ridinu li prati,
l’acidduzzi ritornanu a cantari,
e cantanu li cori ‘nnamurati
l’amuri chi li fici suspirari!

Margariteddi bianchi, chi luciti,
mi pari ca vi sentu murmurari!
-Turnò la primavera - mi diciti,
lu cori mi  vuliti  cunzulari!.......

Caterina Daniele